Дьокуускайга 2026 сыл сааһыгар Дежнев уулуссатын — Крупская уулуссатыттан Ойуунускай уулуссатыгар диэри хапытаалынай өрөмүөн саҕаланыаҕа. Суол түөрт балаһалаах буолуоҕа уонна бэлэсипиэтинэн сылдьар суолу киллэриэҕэ. Ол туһунан сэтинньи 10 күнүгэр куорат мунньаҕар иһитиннэрдилэр.
Бэдэрээтчитинэн «СЭТТЭ» фирма быһаарылынна диэн, «Эхо столицы» «Главстрой» МКУ салайааччыта Афанасий Александровка сигэнэн суруйар. Хантараак сыаната — 500 мөл.солк. тахса. Туттарыллыы болдьоҕо — 2027 сыл.
Санатан эттэххэ, быйыл Дьокуускайга Ойуунускай уонна Хабаров уулуссаларыгар эмиэ өрөмүөн саҕаламмыта. Ойуунускайы Дежнев уулуссатыттан Октябрьскай уулуссаҕа диэри учаастакка саҥардыахтара. Хантараак суумата – 810,73 мөл.солк. Хабаров уулуссатыгар — Ярославскай уулуссатыттан Богатырев уулуссатыгар диэри учаастак оҥоһуллар. Хантараак суумата — 705,35 мөл.солк.
