«Бүгүн биһиги икки улахан суолталаах даатаны бэлиэтиибит. 1922 сыллаахха бу күн Саха автономията тэриллибитэ, онон олохтообут дьоҥҥо махталбытын этэбит. Оттон 1992 сыллаахха, ол кэмтэн 70 сыл буолан баран, саҥа Россияҕа бу күн Саха Өрөспүүбүлүкэтин Конституцията күүһүгэр киирбитэ. Бастакы президеммытын Михаил Николаевы саныыбыт, бу дьаһаллар бастарыгар турбут салайааччыбытын. Маннык суолталаах быһаарыыларга олоҕуран, Саха сирэ улуу Россияны кытта биир суоллааҕын бигэргэттэ», — диэтэ Айсен Николаев.
Хаартыска: Андрей Сорокин, ЯСИА
Былатыан Ойуунускай — саха литературатын төрүттээччи, бэйиэт, прозаик, драматург, улуу уопсастыбаннай уонна судаарыстыбаннай деятель. Саха АССР тэриллиитигэр инники күөҥҥэ турбута. Тус бэйэтэ «Декларации прав и обязанностей трудящихся Якутской АССР» уонна «Положения об автономии Якутской республики» бырайыактары бэлэмнээбитэ. Бу докумуоннар 1922 сыл муус устар 27 күнүгэр автономия төрүттэнэригэр олук уурбуттара.
