Ахсынньы 12 күнүгэр сарсыарда Дьокуускайга «50 лет Советской Армии» уулуссаҕа «Руслан» тыа хаһаайыстыбатын техникатын уонна саппаас чаастар маҕаһыыннара умайбытын туһунан тыллабыр киирэр. Уот турбут иэнэ 800 кв. м. Баһаарынайдар күүһүрдүллүбүт ранганан үлэлээтилэр, ЫБММ Саха сиринээҕи салаата иһитиннэрдэ.
Уоту умуруорууга эбийиэк былааннааһына уустуктардааҕа уонна уматык хараллан туруута мэһэйдэри үөскэттэ. Халлаан тымныыта эмиэ мэһэй буолла, ыстарар уу тоҥо турар, эттилэр биэдэмистибэҕэ.
Хаартыска: ЫБММ Саха сиринээҕи салаата
Уот дьиэ хоруобуйатын, өһүөтүн сабыытын уонна эбии тутуллубут гарааһы алдьатта. Өлүү, эмсэҕэлээччи суох.
Баһаарынайдар уот атын эбийиэккэ ыстамматыгар үлэлээтилэр. Маҕаһыын таһыгар АЗС баара биллэр.
Уоту умуруорууга 50 киһи уоннаи 12 техника үлэлээтэ.
Быһылаан буолбут сиригэр бэрэбиэркэ барар. Баһаар тахсыбыт биричиинэтэ, буруйдаах уонна хоромньу быһаарыллар.
Быһылаан буолбут сириттэн видеону манна көр.
