Дьокуускайга Архитектура нэдиэлэтин быыстапкатыгар Саха сирин бастакы президенэ Михаил Николаев аатынан уопсастыбаннай сир бастыҥ концепциятын тэрийиигэ аналлаах куонкурус кыттыылаахтарын идеяларын билиһиннэрдилэр. Бу туһунан Саха сирин баһылыгар архитектура уонна куорат тутуутун управлениета иһитиннэрэр.
Куонкурус быйыл муус устар 22 күнүгэр саҕаламмыта. Архитектура управлениета территорияны сайыннарыыга компетенция киинин кытта ыыталлар. Барыта 14 хамаанда кытта.
Саҥа эбийиэги Дьокуускайга Михаил Николаев уулуссатын уонна Сэргэлээх шоссе быыһа охсуһуутугар туруорарга былаанныыллар.
Быыстапка алтынньы 8-10 күннэригэр «Кружало» ТРКА үлэлиир.
