5 Муус устар 05.04
  • -15°
  • $ 84,28
  • 92,99

Дьокуускай төрүттэммитэ 400 сылыгар сэттэ аныгы спорт эбийиэгэ тутуллуоҕа

17:42, 04 апреля
Текст:
Хаартыска: ЯСИА саайта
Читайте нас на
Яндекс Новости
ЯДВ
Дьокуускай куорат төрүттэммитэ 400 сылыгар, 2032 сылга диэри, өрөспүүбүлүкэ киин куоратыгар спортивнай инфраструктура сайдыытыгар киэҥ былаан ылыллар. Россия президенэ Владимир Путин ыйааҕар олоҕуран, 2030 сылга диэри куоракка сэттэ саҥа спорт эбийиэгэ тутуллуоҕа, сорох чааһа бэлэм, спорт министиэристибэтэ иһитиннэрдэ.

Спорт миниистирэ Леонид Спиридонов эппитинэн, маастар-былааҥҥа киллэриллибит сорох бырайыактар олоххо киирдилэр. Олор ортолоругар — Саха сириттэн көҥүл тустууга бастакы олимпийскай чемпион Роман Дмитриев аатынан кытыл, 202 микрооройуоҥҥа баар.

«Эбийиэк сынньалаҥҥа уонна дьиэ кэргэнинэн дьаарбайыыга биллэр миэстэнэн буолла. Маны сэргэ «Триумф» спорт киинин территориятыгар Сайсары күөл кытылыгар тупсарыы үлэтэ барда»,- диэтэ Леонид Спиридонов.

Миниистир маастар-былаан саҥа эбийиэктэри тутууну хабар, баар инфраструктураны модернизациялыыр, спордунан дьарыктаныыга комфортнай усулуобуйа тэрийэр уонна куорат олохтоохторун, ыалдьыттарын олохторун хаачыстыбатын тупсарарын бэлиэтээтэ.

Следите за самым важным и интересным в Telegram-канале и WhatsApp-группе ЯСИА