«Болуоссат проспектан арҕаа өттүттэн историческай чааһа, эрдэ хаста да этиллибитин курдук, оннунан хаалар. Манна Владимир Ильич пааматынньыга баар. Ааттыын, көстүүлүүн турар. Оттон Дьокуускай маастар-былаанынан оҥоһуллубут чааһа Өрөспүүбүлүкэ болуоссата диэн ааттанар. Ил Дархан Айсен Сергеевич Николаев көҕүлээһинин киин куорат түөрт тыһыынча киһитэ өйөөтө, ол иһигэр уопсастыбанньыктар бэйэлэрин илии баттааһыннарын туруордулар», — диэтэ Семен Сергеев.
Хамыыһыйа мунньаҕын кэнниттэн, аһаҕас истиилэр буолуохтара, онтон Өрөспүүбүлүкэ болуоссатын туһунан нуорма быраап аактатын куорат дууматын көрүүтүгэр киллэриэхтэрэ.
Кылаабынай архитектор бэлиэтээбитинэн, саҥа болуоссат — кэм ирдэбилэ.
