Дьокуускайга хотугу усулуобуйаҕа сөп түбэһиннэриллибит 50 саҥа автобус баар буолуоҕа. Кинилэр бары куорат маршруттарыгар үлэлиэхтэрэ, ол аата уопсастыбаннай транспорт сырыытын интервалын кыччатарга кыах биэриэҕэ. Бу туһунан киин куорат суол инфраструктуратын уонна транспорын департамена иһитиннэрдэ.
“Дьокуускай куорат баһылыга Евгений Григорьев сорудаҕынан, баһылыгы бастакы солбуйааччы Владимир Дорожкин Москваҕа VolgaBus 5270 GH мааркалаах 50 аныгы оптуобуһу атыылаһар туһунан сөбүлэһиигэ кыттыыны ылла», — диэн иһитиннэриигэ этиллэр.
Улахан кылаастаах саҥа автобустар 65 пассажирга суоттаналлар, ол иһигэр 27 олордор миэстэлээхтэр. Түннүктэргэ – хос өстүөкүлэлээх, оттон салоннарга — эбии ититэрдээх. Оттуга -экологическай ирдэбилгэ сөп түбэһэр компримированнай айылҕа гааһа.
2022 сылтан 2024 сылга диэри Дьокуускайга уонна өрөспүүбүлүкэ оройуоннарыгар 124 саҥа автобус киирбитэ бэлиэтэнэр. Кинилэр хотугу усулуобуйаҕа тургутууну ааспыттара уонна бэйэлэрин туһаҕа таһаарбыттара. Уопсастыбаннай транспоры саҥардыы «Саха Өрөспүүбүлүкэтин транспортнай комплексын сайыннарыы» судаарыстыбаннай бырагыраама уонна куорат инфраструктуратын сайыннарыыга стратегическай соруктар чэрчилэринэн ыытыллар.
Урут Дьокуускай автобустарыгар «Туймаада хочотун үһүйээннэрэ» уонна «Дьокуускай суоппардар харахтарынан» аудиогидтардаах QR-кодтары туруоруохтара диэн иһитиннэрбиттэрэ.
