Дьокуускайга «Инфраструктура для жизни» национальнай бырайыак чэрчитинэн Ленская уулуссатын капитальнай өрөмүөнэ түмүктэнэр. Бүгүҥҥү күҥҥэ «Сэттэ» ДРСУ бэдэрээччитэ суолу толору аспааллаата, диэн куорат дьаһалтатын пресс-сулууспата иһитиннэрэр.
Үлэ Жорницкай уулуссаттан Ленскэй уулуссатын 18-с учаастагар диэри ыытыллар. Эбийиэк уһуна 194 миэтэрэ.
Аспаалы ууруу таһынан ууну араарар лотоктар тэриллибиттэр, уу турбалара уонна борт таастара туруоруллубуттар. Ону тэҥэ уулуссаны сырдатыы ыытыллыаҕа уонна тротуар ууруллуоҕа.
«Главстрой» МКУ иһитиннэрэринэн, «Инфраструктура для жизни» национальнай бырайыагы олоххо киллэрии чэрчитинэн 2025 сылга Дьокуускайга уулусса-суол ситимин 11 эбийиэгэ саҥардыллыаҕа — аҕыс сүрүн уонна үс саппаас. Барыта 14,1 км куорат суола өрөмүөннэниэҕэ.
Урут интеллектуальнай транспорт ситимэ Дьокуускай киин уулуссаларыгар светофордары ситимниэ диэн иһитиннэриллибитэ.
