Дьокуускайга күүстээх тыал буолан, сорох сирдэринэн светофордар быстах кэмҥэ үлэлээбэттэр уонна электричество уотун кыһалҕата үөскээтэ. Бу туһунан бээтинсэ сарсыарда куорат суол-тырааныспар сулууспата иһитиннэрэр.
«Тыал күүстээх буолан, түүн уонна сарсыарда куорат кэккэ оройуоннарыгар саахал таҕыста. Сорох учаастактарга светофордар быстах кэмҥэ үлэлээбэттэр», — диэн суруллар биэдэмистибэ иһитиннэриитигэр.
Суол сулууспалара номнуо миэстэлэригэр тахсан, чугастааҕы кэмҥэ биричиинэлэрин туоратыахтара диэн чуолкайдыыллар.
Аны куорат оройуоннарыгар электроэнергияны быстах кэмҥэ тохтотор технологическай кэһиилэр бэлиэтэммиттэр. Киин электрическэй ситимнэр энергетиктэрэ ыксаллаах быһыыны-майгыны тута туоратыыга киирдилэр.
Билигин миэстэҕэ электричествоны хааччыйыыны түргэнник чөлүгэр түһэрэргэ туох баар наадалаах дьайыыны барытын ыытар биригээдэлэр үлэлииллэр.
