Дьокуускай хамаандата бэтэрээннэр ортолоругар Михаил Свиридов аатынан хоккейга өрөспүүбүлүкэтээҕи чемпионат кыайыылааҕа буолла диэн, шайбалаах хоккей региональнай федерацията биллэрэр.
Финалга кыһыл көмүс мэтээл иһин Мииринэй оройуонун хамаандатын кытта киирсэннэр, 6:3 ахсаанынан кыайдылар. Үһүс миэстэни Алдан улууһун хамаандата Хаҥаластары 11:1 ахсаанынан кыайан ылла.
Турнир бастыҥ оонньооччутунан Дьокуускайтан Денис Гайдомако, бастыҥ көмүскээччинэн киин куорат хамаандатын бэрэстэбиитэлэ Афанасий Владимиров, бастыҥ саба түһээччи — Мииринийэу улууһуттан Павел Пятаков, бастыҥ бомбардир — Александр Амиров, Алдан оройуона, бастыҥ вратарь — Мииринэйтэн Алексей Гришин буоллулар.
