«Быыһык кэм буолла, Дьокуускай — Аллараа Бэстээх хайысханан муус суолга хааччахтааһын киирдэ. Түһүмэҕинэн уйугу кыччатан иһиэхпит. Кыраапык быһыытынан баран иһэбит, билигин 30 туоннаҕа диэри кыччаата, муус устар 10 күнүттэн 20 туоннаҕа диэри түһэриэхпит», — диэтэ Семен Коркин.
Кини Хатас — Павловскай хайысханан муус устар 10 күнүгэр диэри техника уйуга 10 туоннаҕа диэри кыччатылларын эттэ.
«Билигин бу хайысхаҕа суол үлэлии турар, ити эрээри халлаан туругуттан барыта тутулуктаах, билигин балаһыанньаны кэтээн көрөбүт. Күн аайы дааннай бэрэбиэркэлэнэр, суһал быһаарыы ылылларыгар. Барыллаан суоттааһынынан, муус устар 3 күнүттэн Хатас — Павловскай хайысхатынан туорааһыны сабыахпыт диэн былааннаабыппыт», — диэтэ Коркин.
