Сыана үрдээһинэ быстах миэрэ буолар, навигация балаһыанньата тупсуор диэри туттуллар, диэтэ Строев.
«Билигин муус халҕаһалыы устар. Биллибэт, маннык тарыып хас күн турара — биир, икки, үс күн», — диэтэ кини.
Борис Строев чуолкайдаабытынан, «Хивус» катер-амфибиялар хойуу мууска сылдьыбаттар, онон быстах кэмҥэ «Тайфун» аэроботтар сылдьаллар. Бу суудуналар уунан да, мууһунан да айанныыллар.
