Арассыыйаҕа биэнсийэ орто кээмэйэ 2025 сыл саҥатыгар ыйга 23 тыһ. солк. тэҥнэспит. Бу туһунан РИА Новости Социальнай пуонда дааннайдарыгар сигэнэн иһитиннэрдэ, суруйар Саха сирэ саайт.
Бу сыл тохсунньу 1 күнүнээҕи туругунан биэнсийэ орто кээмэйэ ыйга 23 175,17 солк. буолбут.
Ааҕыныстыба бэлиэтииринэн, Социальнай пуонда тиһигэр биэнсийэлээх дьон ахсаана 41 169 796 тиийбит. Страховой биэнсийэни 33 379 424 киһи ылар, инбэлиитэ — 2 193 963.
Муус устар бүтүүтэ Москва уобалаһын Дууматын дьокутаата Анатолий Никитин иһитиннэрбитинэн, дойдуга саамай үрдүк биэнсийэлээхтэр — ИТ-исписэлиистэрэ, ньиэп-гаас салаатын инженердэрэ, пилоттар уонна авиадиспетчердэр, ону тэҥэ быраастар.
Кини этэринэн, 35 сыл устата тус биэнсийэ коэффициеныгар 10 баалы хомуйдаххытына, уопсайа 350 баалы мунньунаҕыт — оччотугар биэнсийэ 58 тыһ. солк. тэҥнэһэр.
