Дьааҥы улууһугар быыһааччылар, волонтердар уонна муниципальнай тэриллиилэр дьаһалталарын үлэһиттэрэ нэһилиэктэри чөлүгэр түһэрии үлэлэрин салгыы ыыталлар. Барыта 100-тэн тахса олорор дьиэ куурдулунна, 200-тэн тахса учаастактары ыраастаатылар, диэн СИА- ҕа өрөспүүбүлүкэ ЫБМ пресс-сулууспата иһитиннэрдэ.
Ону тэҥэ Дьааҥы уонна Кэбээйи улуустарыгар материальнай көмөнү оҥоруу салҕанан барар. Олохтоохтор 2500-тэн тахса сайабылыанньа биэрбиттэр. 106 ыалга уопсайа 17 мөл. солк. тахса суумаҕа материальнай көмө оҥоһулунна.
Бэҕэһээ Дьокуускайга РФ вице-премьерэ Уһук Илин уокурукка бэрэсэдьиэн боломуочуйалаах бэрэстэбиитэлэ Юрий Трутнев кэлбитэ. Кини Дьааҥы улууһугар уу ылбыт сирдэрин көрдө.
Санатан эттэххэ, Дьааҥы улууһун аҕыс нэһилиэктэригэр 580 учаастак, ол иһигэр 330-тан тахса олорор дьиэ ууга барда. Билигин нэһилиэктэр бары ууттан толору босхолоннулар.
This post was published on 21.07.2022 10:03 10:03