Бэс ыйын 28-29 күннэригэр ыытыллыахтаах Олоҥхо ыһыаҕар Дьааҥыга сибээс эҥкилэ суох үлэлиирин «Мегафон» ААУо хааччыйыа.
Билигин тэрилтэ улууска баар сибээс эбийиэктэрин саҥардан, сороҕун уларытан, кыамтатын улаатыннаран биэрдэ.
Хампаанньа Саха сиринээҕи салаатын дириэктэрэ Александр Костерин: «Дьааҥы улууһа киин сиртэн ыраах сытар буолан, саҥардыы үлэтэ хас да түһүмэҕинэн ыытыллыбыта. Ол да буоллар, олохтоохтор уонна ыалдьыттар хаачыстыбалаах сибээһинэн хааччыллыахтара», – диэн эрэннэрдэ.
This post was published on 03.06.2016 16:55 16:55