Бу күннэргэ «Дьааҥы оройуона» МТ баһылыга Виктор Павлов дьаһалынан Норуоттар икки ардыларынааҕы «Азия оҕолоро» VI спортивнай оонньуулар уоттарын уматыы церемониятын тэрийиигэ уонна уот эстафетатын улуустарынан ыытыыны бэлэмнээһиҥҥэ анал хамыыһыйаны бигэргэттэ.
Хамыыһыйаны баһылык бастакы солбуйааччыта Николай Корнилов салайан үлэлэтэр.
Үгэс быһыытынан, «Азия оҕолоро» оонньуулар уоттарын Киһилээх хайаларыгар уматыахтара. Бу суолталаах тэрээһининэн сибээстээн, Дьааҥы улууһугар кулун тутар 21 күнүттэн кулун тутар 31 күнүгэр диэри оройуон бары нэһилиэктэригэр спортивнай декаданы биллэрдилэр. Оскуолаларга «Азия оҕолоро» оонньууларга анаммыт кылаас чаастара ыытыллыахтара. Кулун тутар 27-30 күннэригэр хотугу норуоттар многоборьеларыгар спортивнай күрэхтэһиилэр буолуохтара.
«Саха сирэ» хаһыаттан.
This post was published on 25.03.2016 12:55 12:55