СӨ Бастакы Бэрэсидьиэнэ Михаил Ефимович Николаев төрөөбүт күнүгэр Чурапчытааҕы гимназия Инновация күнүн бэлиэтээтэ.
Михаил Ефимович “Пять китов образования” үөрэҕирии концепциятын биир көрүҥэ «Шахматы-детям» бырайыагынан саахымат киинэ аһылынна. Киин СӨ Бастакы Бэрэсидьиэнин пуондатын өйөбүлүнэн олоххо киирдэ.
Маны сэргэ “Беспилотные авиационные системы” национальнай бырайыагынан саҥа кабинет аһылынна. Манна оҕолор дрону ыытарга, ыһарга-хомуйарга үөрэниэхтэрэ.
Инновационнай технологиялар билиҥҥи оҕо үүнэригэр-сайдарыгар көмө-тирэх буолаллара саарбаҕа суох. Онон Михаил Ефимович саҕалаабыт дьыалата салҕанан, сайдыыны түстүү турарыгар биһиги, чурапчылар, махтанабыт, суруйда Саҥа олох хаһыат телеграм-ханаала.
