Чурапчы улууһун баһылыга Андрей Ноговицын дуоһунаһыттан тохтуурун уонна «Биир ньыгыл Арассыыйа» баартыйаттан тахсарын туһунан сурах тарҕанна.
Ол эрээри бу сымыйа сурах буоларын туһунан кини СИА-ҕа эттэ. «Бэҕэһээ киэһэ миэхэ маннык иһитиннэриини ыыппыттара. Сымыйа сурахтан олус соһуйдум. Мин хамаандам үлэтин былаана киэҥ: «Манчаары» оонньуулара, РФ президенин уонна СӨ баһылыгын туһулаан этиилэригэр ыйыллыбыт бырайыактары олоххо киллэрии, ону таһынан тыа хаһаайыстыбатын кластерын тэрийии, о.д.а», — диир Андрей Ноговицын.
Нэһилиэнньэ кини үлэтин өйүүрүн ордук бэлиэтээн эттэ: «Маннык сымыйа сурахтарынан үлэттэн аралдьыппаттара ордук. Билэр дьонум, аймахтарым элбэхтэ эрийэн ыйыталлар, ону барыта этэҥҥэ диэн быһаарарга тиийэбин», — диир кини.
