Россия судаарыстыбаннай сулууспалаахтарыгар сылын аайы бэриллэр уоппуска биэс күнүнэн кылгаата. Ити түмүгэр кинилэр оруобунай биир ый устата сынньаныахтара. Маны сүрүннүү сокуон бүгүҥҥүттэн, атырдьах ыйын 2 күнүттэн күүһүгэр киирдэ. Ити туһунан «Российская газета» суруйар.
Үрдүкү уонна кылаабынай дуоһунастарга үлэлиир чунуобунньуктар 35 халандаарнай күн устата сынньанар эбит буоллахтарына, мантан ыла категориялар бары биир тэҥ уоппускаланаллар.
Бэриллэр уоппуска кэмин сокуон быһаарар. 1 сыл сулууспа иһин 1 халандаарнай күн эбиллэр эбит буоллаҕына, мантан инньэ ыстаас онуоха быһаччы дьайар: 1-5 сылга диэри ыстаастаах буоллаххына – 1 күн; 5-10 сылга диэри — 5 күн; 10-15 сылга диэри — 7 күн, 15 уонна онтон элбэх сыл ыстааска— 10 күн.
