Дьокуускайга тохсунньу 28 күнүгэр Билим дьоҕус академиятыгар «Чолбон» спутнигы туттардылар. Академия сакаасчыт буолар.
Спутнигы үөрэтэр уонна билим-чинчийэр сыалга туттар былааннаахтар, суруйда ЯСИА.
«»Чолбон» дьоҕус космическай аппарааты туттууга киллэрбиккитинэн эҕэрдэлиибин. Бу хаһан эрэ ыра санаа эрэ этэ. Ону туора туппакка, сыалга тиийиигэ баран испиккит. Бүгүн учуонайдар, педагогтар, устудьуоннар, оскуола үөрэнээччилэрэ кыттыылаах ол ыра санаа туолла», — диэтэ үөрэх миниистирэ Нюргуна Соколова.
Билим дьоҕус академиятын дириэктэрэ Василий Павлов барыл үөрэнээччилэргэ ананан оҥоһуллубутун эттэ. Үлэ барар кэмигэр билим элбэх кэлэктиибин кытта кинилэр үлэлээтилэр. Спутник экстремальнай усулуобуйаҕа үлэлиир: биир өттүттэн -360 кыраадыс, иккис өттүттэн — +150 кыраадыс Цельсиянан.
Спутник сэттэ сыл үлэлиэҕэ уонна оскуола оҕолоро оҥорбут бырагыраамаларын олоххо киллэриэҕэ.
