Бүгүн, атырдьах ыйын 15 күнүгэр, Кэбээйи оройуонугар сүппүт ыалы көрдүү 16:00 чааска Дьокуускайтан «Полярные авиалинии» АХ бөртөлүөтүнэн быыһыыр сулууспа быыһааччылара айаннаатылар. Бу туһунан биэдэмистибэ пресс-сулууспата иһитиннэрэр.
Атырдьах ыйын 9 күнүгэр Кэбээйи улууһун Сэбээн-Күөл сэлиэнньэтиттэн түөрт киһилээх ыал тахсан барбыт уонна билиҥҥэ диэри анаммыт миэстэлэригэр тиийэ иликтэр. 2012 уонна 2019 сыллардаах оҕолордоох кэргэнниилэр «Урал» массыынанан Сиэгэн-Күөл сэлиэнньэтин диэки айаннаабыттара биллэр. Кинилэри Нёра үрэх аттыгар билэр киһилэрэ көрсүөхтээҕэ. Эр киһи атырдьах ыйын 12 күнүгэр болдьоспут сирдэригэр кэтэспит, ити эрээри дьоно суохтар.
Уһун ардахтартан уу таһыма үрдэтэн, көрдөөһүнү уустугурдар диэн иһитиннэрэллэр.
Атырдьах ыйын 12 күнүттэн көрдөөһүнү аймахтар күүстэринэн ыыталлар.
