9 млрд солк. тахса солкуобайы саппаас пуондаттан муора уонна өрүс таһыытын үрдэтэр уонна Арктика маршруттарын сайыннарарга суудуналары тутуугаминиистирдэр кабинеттара эбии көрдө. Ол туһунан дьаһалга РФ бырабыыталыстыбатын бэрэссэдээтэлэ Михаил Мишустин илии баттаата.
Үбүлээһин Росморречфлокка киириэҕэ. Бэриллибит үп көмөтүнэн Уһук Илиннээҕи федеральнай уокурук портарын икки ардыларыгар пассажирдар тиһигин быспакка айанныыларын тэрийэргэ муора паромун тутууну салгыырга, ону тэҥэ Хотугу муора суолунан таһыыны тэрийэргэ наадалаах муус кылаастаах саахалы туоратар-быыһыыр суднолары тутуу салҕанан барыаҕа. Ону таһынан Крымҥа туһаныллар муора водолазнай суудунотын тутуута түмүктэниэҕэ.
«Судоходнай хампаанньалар аныгы хаачыстыбалаах техниканы түргэнник үлэҕэ киллэрэр кыахтаналларыгар, биһиги верфтэрбит сотору кэминэн үлэ үрдүк тэтимигэр тахсаллара улахан суолталаах», — диэн Михаил Мишустин алтынньы 20 күнүгэр вице-премьердары кытта мунньахха бэлиэтээтэ.
Миниистирдэр кабинеттарын баһылыга 2025 сылтан суудуналары уонна комплектары оҥорон таһаарааччыларын уонна сакаасчыттарын өйөбүл “Промышленное обеспечение транспортной мобильности” саҥа национальнай бырайыак чэрчитинэн көрүллүбүтүн эбэн эттэ.
