«Бырабыыталыстыба чилиэннэрэ улуустарга ыытар үлэлэрин, тыын суолталаах боппуруостары, ОДьКХ-тан саҕалаан тупсарыныы, социальнай көҕүлээһиннэр тустарынан миэхэ дакылааттыыллар. Отчуот түмүгүнэн толору ырытыылаах анаалыс оҥоһуллуоҕа», – диэтэ Ил Дархан.
Айсен Николаев мунньах кэмигэр 2030 сылга диэри казначейскай инфраструктурнай кирэдьиити биэрии механизмыгар РФ бырабыыталыстыбатын быһаарыытын туһунан эттэ.
«Казначейскай инфраструктурнай кирэдьииттэр саҥа «Инфраструктура для жизни» национальнай бырайыак чэрчитинэн бэриллэллэр уонна инфраструктурнай бюджет кирэдьиитин салгыыта, «Инфраструктурное меню» бырабыыталыстыба социальнай-экономическай көҕүлээһинин инструмена буолар. Регионнар кирэдьиити 15 сыл болдьоххо, сыллааҕыта 3% ылаллар», – диэтэ кини.
Кирэдьиит ОДьКХ эйгэтигэр инфраструктура бырайыактарын, уопсастыбаннай тырааныспар атыылаһыыга, тырааныспар эбийиэктэрин тутууга, инженернай, энергетическай уонна туристическай инфраструктураны, индустриальнай паарка уонна промышленнай технопаарка инфраструктуратын, оһуобай экономическай зонаны, инникилээн сайыннарыы территорияларын, инновационнай научнай-технологическай кииннэри тутууга-тэрийиигэ уо.д.а. көрүллэр.
«Онон өрөспүүбүлүкэҕэ инникилээн тутуллар инфраструктурнай эбийиэктэри быһааран, региону сайыннарыы бырабыыталыстыба хамыыһайатын көрүүтүгэр бырайыактары киллэриҥ. Баар механизмнары туттуохха наада, олохтоохтор тупсаҕай эйгэҕэ олороллоругар, хаачыстыбалаах өҥөнү ылалларыгар, күннээҕи олохторо тупсан иһэрин билэллэригэр», –диэтэ Айсен Николаев.
Сиһилии https://ysia.ru/uzhe-bolee-180-naselennyh-punktov-ohvatil-otchet-pravitelstva-yakutii/
Санаттахха, отчуот кулун тутар 6 күнүгэр диэри ыытыллар. Түмүктүүр дьаһала «Саха» НКИХ ханаалыгар тэриллэр.
