Быйыл 10 ый устата Саха сирин олохтоохторо массыанньыктарга 727 мөл. солк. тахса сууманы ыыппыттар. Бу туһунан өрөспүүбүлүкэҕэ ИДьМ пресс-сулууспата иһитиннэрэр.
Тохсунньуттан алтынньыга диэри Саха сиригэр барыта 1827 дистанционнай албыннааһын уонна картаттан үп-харчы уорааһынын 575 түбэлтэтэ бэлиэтэннэ.
Санатан эттэххэ, аҥардас ааспыт сууккаҕа өссө икки түбэлтэ бэлиэтэммитэ. Эмсэҕэлээччилэр 3 мөл. солк. тахса сууманы массыанньыктарга ыыттылар.
