Социальнай тиһиктэргэ уонна месенджердарга булчуттар Байанай бэлэҕин кытта түспүт хаартыскаларын үгүстүк тарҕатааччылар. Айылҕа харыстабылын үлэһиттэрэ мантан ыла итини кыраҕытык хонтуруоллуохтара. Сокуон кэһиллибит буоллаҕына, тустаах миэрэлэри ылыахтара.
Айылҕа харыстабылын министиэристибэтэ өрөспүүбүлүкэҕэ бултуур сирдэргэ уопсайа 24 рейдэни ыыттылар. Булт сокуона кэһиллибит 13 түбэлтэтин быһаардылар, 2 сааны былдьаатылар. 14 булчут административнай эппиэккэ тардылынна.
Итини таһынан ykt.ru саайтка уонна WhatsApp Messenger хаартыскалары чинчийэллэр.
«Интернет нөҥүө маннык тарҕанар хаартыскаларга, видео устууларга барыларыгар булт, айылҕа баайын харыстааһын сокуоннара кэһиллибиттэрин министиэристибэ үлэһиттэрэ бэрэбиэркэлиэхтэрэ», — диэн биэдэмистибэҕэ эттилэр.
