Синоптиктар Саха сиригэр түүҥҥү уонна күнүскү температураҕа улахан уларыйыылар буолалларын сылыктыыллар. Дьокуускайга уонна киин оройуоннарга түүнүн -20°С диэри тымныйыаҕа, күнүһүн салгын нуул кыраадыска диэри сылыйыаҕа.
Саха сиринээҕи УГМС иһитиннэрэринэн, киин оройуоннарга оптуорунньукка түүнүн -15-20°С диэри тымныйыаҕа, күнүһүн 0,-5°С кыраадыс буолуоҕа. Өрөспүүбүлүкэ хоту өттүгэр түүнүн -30-35°С, хотугулуу-арҕаа диэки -39 — 44°С, күнүһүн онно термометр -8-13°с кыраадыһы көрдөрүөҕэ.
Үгүс оройуоннарга сөҥүү түһэрэ күүтүллүбэт. Арай, Алдан уонна Нерюнгри оройуоннарга, муус устар 11 күнүгэр хаардыаҕа, сорох сиринэн күүстээхтик түһүөҕэ.
Дьокуускайга оптуорунньукка сөҥүү түспэт. Түүнүһ — 18-20°С тиийэ тымныйыаҕа, күнүһүн -1-3°с диэри сылыйыаҕа.
This post was published on 10.04.2023 17:05 17:05