17 От ыйа 17.07
  • 20°
  • $ 88,28
  • 96,26

Бороҕоҥҥо саҥа успуорт дыбарыаһа аанын тэлэччи арыйыа

15:05, 04 августа 2023
Читайте нас на
Яндекс Новости
ЯДВ

Улуус киинигэр тутулла турар элбэх хайысхалаах чэбдигирдэр спортивнай комплекс атырдьах ыйын 25 күнүгэр үлэҕэ киирэрэ былааннанар.

Тутуу бэлэмэ – 100%. Билигин сууйуу-сотуу, хомунуу үлэтин ситэрэллэр. Коммуникация, вентиляция, баһаарынай сигнализа ция ситимэ барыта тардыллыбыт.

Учаастак маастара Альберт Данилов: «Тутуу үлэтэ барыта бүттэ, аны аһылларын эрэ күүтэбит. Билигин интэриниэт ситимин тардыы үлэтэ барар. Улуус дьаһалтатын, успуорт кэмитиэтин, ДЮСШ үлэһиттэрэ хомуйа, миэбэли таҥа сылдьаллар.

Саҥа эбийиэк барыта анал оборудованиенан, оргтиэхиньикэнэн, миэбэлинэн толору хааччыллыбыт. Билигин балары туруоруу үлэтигэр улуус тэрилтэлэрин үлэһиттэрэ үлэ үгэнигэр сылдьаллар эбит.

Ыспыраапка: Тутуу саҕаламмыт сыла – 2020, үлэҕэ киллэрии бол дьоҕо – 25.08.2023 с.; Үбүлээһин – РФ уонна СӨ бүддьүөтэ; Тутуу хайысхата – «Демография» нац. бырайыак чэрчитинэн «Успуорт – олох төрдө» эрэгийиэннээҕи бырагыраама.

Наталья Попова, Мүрү Саһарҕата телеграм-ханаал

Следите за самым важным и интересным в Telegram-канале и WhatsApp-группе ЯСИА