Бирикээскэ олоҕурдахха, биирдии баал эбиллибит математика уонна история биридимиэттэриттэн ураты биридимиэттэргэ алын баал 2024-2025 үөрэх дьылынааҕы таһымынан хаалла.
Аттестат ыларга ирдэнэр биир кэлим эксээмэн баала:
Математика (базовай) — 3 баал (5 бааллаах шкаланан)
Математика (профильнай) — 27 баал (100 бааллаах шкаланан)
Нуучча тыла — 24 баал (100 бааллаах шкаланан).
Оскуоланы туйгун сыананан бүтэрээччилэр булгуччулаах биридимиэттэргэ арыый үрдүк баалы ылаллара ирдэнэр:
Математика (базовай) — 5 баал (5 бааллаах шкаланан)
Математика (профильнай) — 70 баал (100 бааллаах шкаланан)
Нуучча тыла — 70 баал (100 бааллаах шкаланан).
Үрдүк үөрэххэ туттарсарга талар биридимиэттэргэ ирдэнэр алын бааллар:
Литэрэтиирэ — 32 баал
История — 32 баал
География — 37 баал
Обществознание — 42 баал
Физика – 36 баал
Информатика — 40 баал
Химия — 36 баал
Биология — 36 баал
Омук тыллара – 22 баал.
Бэлиэтээн эттэххэ, үөрэх тэрилтэлэрэ алын баалы бэйэлэрэ быһаарар бырааптаахтар, бу ыйыллыбыт бааллартан уратылаах буолуон сөп. Бу туһунан Үөрэх уонна билим министиэристибэтин телеграмыгар суруйаллар.
