Балаҕан ыйыгар дойду биэнсийэлээхтэрэ биир кэмнээх 10 тыһыынча солк. көмө харчыны ылыахтара. Көмөнү биэнсийэлээхтэр бары категориялара ылаллар, доруобуйаларынан хааччахтаахтарынан уонна иитээччилэрин сүтэрбиттэринэн биэнсийэ ылааччылар эмиэ. Бу туһунан https://www.sakhaparliament.ru/ суруйар.
Төлөбүр туох да докумуона суох икки түһүмэҕинэн быһа ананар: атырдьах ыйын 31 күнүттэн 30,7 мөл. биэнсийэлээхтэргэ баан каарталарыгар түһүөҕэ, онтон балаҕан ыйын 3 күнүттэн хаалбыт 12,7 мөл. киһи ылыаҕа.
10 тыһыынча көмөнү ылыы болдьоҕо киһи биэнсийэтин ханнык ньыманан ыларыттан тутулуктанар. Бастакынан биэнсийэлэрэ баан каартатыгар түһэр дьон ылыахтара. Онтон балаҕан ыйын 3 күнүттэн 5 күнүгэр диэри пуочтанан биэнсийэлэрин ылааччыларга тиийиэҕэ.
«Өскөтүн харчы балаҕан ыйыгар түспэтэҕинэ, долгуйарга төрүөт суох», — диэн Биэнсийэ пуондата быһаарар. Харчыны ханнык эмэ биричиинэнэн биэнсийэлээх ылбатах буоллаҕына, болдьоммут кэмин да кэнниттэн булгуччу төлөнөр.
Бэлиэтиир буоллахха, бу көмөттөн суутунан ууруллубут иэскэ тутуллар бобуллар, социальнай көмө миэрэлэрин аныырга бу үп дохуот быһыытынан аахсыллыбат.
Маныаха хомолтолоох түгэни эмиэ таарыйан ааһар оруннаах. Биэнсийэлээх атырдьах ыйын 31 күнүгэр диэри олохтон туораабыт буоллаҕына, үп анаммат. Оттон атырдьах ыйын 31 күнүн кэнниттэн суох буоллаҕына, кини аймахтара бу көмө харчытын ылаллар.
