Саха сирин бэтэрээн тустууктара маастардар ортолоругар ыытыллыбыт Россия чемпионатыгар кыайдылар.
Бэтэрээннэр сүүмэрдэммит хамаандалара көҥүл тустууга чемпионакка ситиһиилээхтик кытынна. Араас таһымнаах 13 мэтээли иилиннилэр. Алта наҕараада кыһыл көмүс, суруйар ЯСИА.
Смоленскайга буолбут чемпионакка урукку сыллар титуллаах бөҕөстөрө кытыннылар. Ыйааһыннарынан, саастарынан хайдыстылар. Саха сирин састаабыгар 15 спортсмен киирдэ, онтон 13-һэ пьедесталга турда.
Кыайыылаахтар: Иннокентий Данилов, Тимур Андреев, Семен Соркомов, Петр Осипов, Александр Румин уонна Алексей Николаев. Үрүҥ көмүс мэтээллээхтэр: Николай Иванов, Айал Иванов уонна Алексей Михайлов. Үһүс бочуоттаах миэстэҕэ Прокопий Петров, Николай Баттахов, Валериан Неустроев уонна Ефрем Ефремов.
