20 От ыйа 20.07
  • 19°
  • $ 88,02
  • 96,04

Балаҕан ыйын 24-25 күннэригэр Дьокуускайга олохтоох ас-үөл дьаарбаҥката буолар

Читайте нас на
Яндекс Новости
ЯДВ

Бу өрөбүллэргэ, балаҕан ыйын 24-25 күннэригэр, Саха сирин 70-тан тахса хаһаайыстыбата, тэрилтэтэ оҥорон таһаарар бородууксуйаларын «Продовольствие -2022» диэн атыы-эргиэн дьаарбаҥкатыгар көрдөрүүгэ таһаарыахтара.

Атыы-эргиэн дьаарбаҥката үгэс быһыытынан Дьокуускай куорат Комсомольскай болуоссатыгар ыытыллыаҕа. Дьаарбаҥкаҕа үүт, эт, оҕуруот, сир аһын арааһын, ону сэргэ мүөт атыыланыаҕа.

Тыа хаһаайыстыбатын миниистирэ Александр Атласов: «Дьаарбаҥка-быыстапкаҕа Саха сиригэр оҥоһуллар бэйэ бородууксуйата барыта тахсыаҕа. Нэдиэлэ устата бааһынай уонна кэтэх хаһаайыстыбалартан сайаапкалары күүтэбит», — диэн иһитиннэрдэ.

Аҕам саастаах уонна доруобуйаларынан хааччахтаах дьон волонтердар көмөлөрүн туһанан атыыласпыт бородуукталарын массыынаҕа диэри илтэриэхтэрин сөп.

Ааптар: Ульяна Захарова

Источник: © edersaas.ru

Следите за самым важным и интересным в Telegram-канале и WhatsApp-группе ЯСИА