Балаҕан ыйын 15 күнүгэр Россияҕа санитарнай-эпидемиологическай сулууспа үлэһиттэрин уонна HR-менеджердар күннэрэ. Өссө бүгүн Россия ойуурдарын күнэ бэлиэтэнэр. Ол эбэтэр балаҕан ыйын 15 — 17 күннэригэр киэҥ тэрээһиннээх экологическай бырааһынньык буолар. Маассабай мас олордуута, ойууру харыстааһыҥҥа акциялар ыытыллаллар. Аан бастаан маннык дьаһалы Харьковка ыыппыттара. Билигин регионнар бары, ол иһигэр Саха сиригэр эмиэ ыыталлар. Быйылгы ойуур баһаардарын кэнниттэн ордук көдьүүстээх буолла.
Бэлиэ күннэр
- ХНТ — Дойдулар ардыларынааҕы демократия күнэ.
- Дойдулар ардыларынааҕы лимфома туһунан информация тарҕатыы күнэ.
- Азербайдьан — Национальнай билии күнэ.
- Казахстаан — Казахстан Өрөспүүбүлүкэтин норуоттарын тылларын күнэ.
- Беларусь — Библиотекалар күннэрэ.
- Эл Салвадор — Национальнай тутулуга суох буолуу күнэ.
Түбэлтэлэр
- 1830 — Англияҕа Ливерпуль-Манчестер тимир суол аһыллыбыт. Бу икки улахан куораты ситимнээбит бастакы тимир суол буолбут. Поездтар бастакы сырыыларыгар биир киһи саахалга түбэһэн өлбүт.
- 1916 — Аан дойду бастакы сэриитин кэмигэр тааҥка бастакы туһаныыта буолбут. Сомма кыргыһыытыгар англичаннар 49 Mark I тааҥканы фашистары утары ыыппыттар.
- 1971 — Канадаҕа айылҕа харыстабылынан дьарыктанар «Гринпис» тэрилтэ бастакы миссиятыгар хараабыл ыыппыт. Бу хараабылынан Беринг байҕалыгар баар Амчитка арыытыгар буолар сир анныннааҕы ядернай дэлби тэптэриилэри утары протест биллэрбиттэрэ.
- 2008 — АХШ-га «Lehman Brothers» баан банкрот буолбут. Мантан 2008 сыллааҕы аан дойдутааҕы экэниэмикэ кризиһэ саҕаламмыта.
Төрөөбүттэр
- 1890 — Агата Кристи — детективтэринэн аатырбыт Англия суруйааччыта.
- 1898 — Николай Бубякин — ил уонна партия диэйэтэлэ, 1928—1929 сыллардаахха Саха АССР Совнаркомын бэрэсэдээтэлэ.
- 1905 — Николай Николаев-Никольскай — Саха норуодунай худуоһунньуга.
- 1939 — Т. Г. Неустроева — РСФСР үтүөлээх бырааһа.
- 1957 — Платон Слепцов — саха этнографиятыгар идэлээх устуоруйа билимин кандидата.
- 1988 — Егор Васильев – Saas Ustar — Саха сирин биллэр ырыа толорооччута уонна айааччыта, “саха-рэп” сүүрээни сайыннарааччы.
Өлбүттэр
- 1928 — Василий Никифоров-Күлүмнүүр — Саха сирин уһулуччулаах общественнай, политическэй диэйэтэлэ, краевед-учуонай, суруйааччы, публицист, «Сахалар сойуустарын» салайааччыта, Саха Сиригэр земствоны киллэрии көҕүлээччитэ уонна тэрийээччитэ.
- 1938 — Исидор Барахов (Иванов) — Саха АССР төрүттээччилэртэн биирдэстэрэ, XX үйэ саҕаланыытыгар биллибит судаарыстыбаннай уонна партийнай диэйэтэл.
- 1938 — Кузьма Гаврилов — 1920-с сылларга «Саха омук» уонна «Саха кэскилэ» түмсүүлэри төрүттээччилэртэн биирдэстэрэ, саха суругун-бичигин комитетыгар дьарыктаммыта. «Холбос» Респотребсоюhу төрүттээччи.
