Балаҕан ыйыгар сокуонунан көрүллүбүт эбии төлөбүр күүһүгэр киирэр, Саха сирэ саайт.
Ил Дархан уонна Бырабыыталыстыба пресс-сулууспата иһитиннэрбитинэн, атырдьах ыйыгар үлэлэрин тохтоппут биэнсийэлээхтэр, 1-кы группалаах инбэлииттэр уонна 80 саастарын туолбут дьон балаҕан ыйыгар биэнсийэлэрэ үрдүөҕэ.
Бу туһунан ТАСС-ка Госдуума МСП боппуруостарыгар кэмитиэтин чилиэнэ Алексей Говырин («Биир ньыгыл Арассыыйа» фракцията) иһитиннэрдэ: «Сорох биэнсийэлээхтэргэ төлөбүрдэр урукку төрүөттэринэн көннөрүллүөхтэрэ. Арассыыйа Федерациятын биэнсийэ систиэмэтэ сокуон өттүнэн улахан суолталаах балаһыанньа үөскээбит ыйын кэнниттэн ый бастакы күнүттэн ханнык баҕарар хаттаан ааҕыы саҕаланар гына оҥоһуллар. Онон балаҕан ыйа сокуонунан көрүллүбүт эбии төлөбүрдэр күүһүгэр киирэр кэмнэрэ буолар».
