Хаарбах дьиэлэртэн дьону көһөрүү бырагырааматынан икки дьиэ Томпо оройуонун Хаандыгатыгар тутуллар. Эбийиэктэр бэлэмнэрэ 80% -тан тахсан, балаҕан ыйыгар үлэҕэ киллэрии күүтүллэр. Үлэ хаамыытын Саха сирин тутуутун миниистирин бастакы солбуйааччы Евгений Афанасьев бэрэбиэркэлээтэ, диэн иһитиннэрэр биэдэмистибэ пресс-сулууспата.
Тутааччы — «Атлант» хампаанньа — биэс мэндиэмэннээх элбэх кыбартыыралаах дьиэлэри туталлар. Тутуу 2024 сыл кулун тутарыгар саҕаламмыта. Бүгүҥҥү күҥҥэ тас уонна ис оҥоһуу үлэлэрэ толоруллаллар.
Комфортнай уонна аныгы дьиэлэргэ хаарбах дьиэлэртэн Томпо оройуонун уонча ыала көһүөҕэ.
«Хаандыгаҕа дьиэлэр тутуулара түмүктүүр түһүмэххэ таҕыста – дьиэлэри оҥоһуу үлэтэ ыытыллар. Хас биирдии эбийиэк тутуутун бэлэмэ 83% буолар, тутуу былаан быһыытынан барар. Саҥа дьиэлэр сылаас, эрэллээх уонна уһун үйэлээх буолуохтара диэн эрэллээхпин», – диэн бэлиэтээтэ Евгений Афанасьев.
Хаарбах дьиэлэртэн дьону саҥа дьиэлэргэ көһөрүү РФ президенэ Владимир Путин көҕүлээбит «Олох инфраструктурата» национальнай бырайыак чэрчитинэн тутуллар.
