Арассыыйа Федерациятын Нолуокка кодексатыгар хамсаабат баай-дуол эбийиэктэрин регистрациялатыыга судаарыстыба нолуогун төлөөһүҥҥэ кэккэ уларытыылар киллэрилиннилэр, Саха парламент саайт.
Быйылгы сыл от ыйын 31 күнүттэн бааһынай (пиэрмэр) хаһаайыстыба сир учаастагар бас билии докумуонун оҥортороругар уонна кадаастыр учуотугар туруортарарыгар чэпчэтии киллэрилиннэ. Бааһынай (пиэрмэр) хаһаайыстыба сир учаастагар бас билиини докумуоннатар уонна ону кадаастыр учуотугар туруортарар буоллаҕына, нолуокка (пошлинаҕа) 700 солкуобайы, оттон икки дьайыыны тэҥинэн оҥорторорго 1 000 солкуобайы төлүөҕэ.
Маны таһынан:
– хамсаабат баай-дуол эбийиэгэр уопсай өлүүлэһэн бас билии быраабын докумуоннатыыга судаарыстыба нолуога кадаастыр сыанатыттан тутулуктаах буолла;
– гааһы үллэрэр уонна гааһы туһанар ситимнэр эбийиэктэригэр бас билии быраабын оҥорторорго судаарыстыба нолуогун кээмэйэ 4 000 солк. олохтонно; – босхо туһаныы дуогабардарын регистрациялатыыга судаарыстыба нолуогун кээмэйэ хамсаабат баайы-дуолу түүлэһии дуогабарын курдук оҥоһуллуоҕа.
Бу туһунан сиһилии Саха Өрөспүүбүлүкэтин Бас билиигэ уонна сиргэ сыһыаннаһыыга министиэристибэтин саайтыттан билсиҥ.
