Саха сирин муниципальнай тэриллиилэрэ сылын ахсын муус устар 21 — бэс ыйын 12 күнүгэр диэри 2026 сыллаахха ыытыллар тупсарыныыга бүтүн Россиятааҕы куоластааһыҥҥа бэлэмнэнэллэр. Олохтоохтор «Инфраструктура для жизни» национальнай бырайыак «Формирование комфортной городской среды» бырагырааматын чэрчитинэн ханнык пааркалар, сквердар уонна болуоссаттар уларыйалларын талыахтара. Бу туһунан өрөспүүбүлүкэ баһылыгын иһинэн архитектура уонна куорат тутуутун управлениета иһитиннэрэр.
Куонкуруска кыттарга сайаапкалар муус устар 1 күнүгэр диэри почтаҕа ылыллаллар gorsreda2019@mail.ru «ВСЕРОССИЙСКОЕ ГОЛОСОВАНИЕ — 2026» диэн бэлиэлээх.
Маны сэргэ кулун тутар 2-27 күннэригэр “Госуслуги” порталга олохтоохтортон этиилэри хомуйуу ыытыллыаҕа. «Аны билигин тупсарыныыга идеялары этиэххэ сөп», — диэн управление иһитиннэриитигэр суруллар.
Куоластааһыҥҥа кыттыыга муниципалитеттарга критерийдар:
уопсастыбаннай хамыыһыйа бигэргэппит кырата икки уопсастыбаннай территорията эбэтэр дизайн-бырайыага;
билиҥҥи куорат эйгэтин тэрийэр муниципальнай бырагыраама;
нэһилиэнньэтин ахсаана 500 киһиттэн;
дьаһалта куоластааһыны ыытар былааннаах быһаарыыта.
Булгуччулаах кыттыы: 20 тыһыынчаттан тахса киһилээх куораттар уонна тирэх нэһилиэнньэлээх пууннар.
Санатан эттэххэ, 2019 сылтан 2025 сылга диэри Саха сиригэр «Табыгастаах куорат эйгэтин тэрийии» федеральнай бырагырааманан 147 общественнай пространство бырайыактара олоххо киирбитэ.
