28 Кулун тутар 28.03
  • -12°
  • $ 92,59
  • 100,27

Бүлүү куоратыгар балыыһа комплекса тутуллар. Үлэ тэтимирдэ

16:01, 22 апреля 2021
Текст:
Читайте нас на
Яндекс Новости
ЯДВ

П.А. Петров аатынан Бүлүү оройуоннааҕы киин балыыһатын кылаабынай бырааһа, оройуон Сэбиэтин дьокутаата Егор Григорьев улууска ФАП-ры, Балыыһа комплексын тутуу туһунан «Саҥа олох» хаһыат суруналыыһыгар кэпсээтэ. Ол туһунан https://www.instagram.com/oloh_suola/ кэпсээтилэр.


“Доруобуйа харыстабыла” национальнай бырайыак чэрчитинэн дойду үрдүнэн бастакы медицинскэй көмөнү оҥорууга туһаайыллар фельдшер-акушер пууннарын уонна быраас амбулаторияларын тутуу тэтимнээхтик ыытыллар.

Бүлүү улууһун кылаабынай бырааһа Егор Григорьев кэпсээбитинэн, иллэрээ сыл муниципалитекка бастакы аныгы ФАП Сосновкаҕа тутуллан киирбитэ, былырыын сыл бүтүүтэ Тааһаҕарга модульнай  оҥоһуулаах ФАП аана арыллыбыта. Тааһаҕарга тутуу түргэн тэтимнээхтик ыытыллыбыта – сэтинньи ыйтан саҕаламмыт тутуу ахсынньыга түмүктэммитэ. Хас биирдии ФАП үлэҕэ киирэригэр билиҥҥи усулуобуйаҕа сөп түбэһэр медицинскэй тэриллэринэн, миэбэлинэн хааччыллар. Бүлүү улууһугар кэлэр да сылларга ФАП-ры тутуу ыытыллара былааҥҥа сылдьар.

Билигин сүрүн болҕомто Бүлүү куоратыгар Балыыһа комплексын тутууну ситэриигэ ууруллар. Икки мэндиэмэннээх таас тутуу холлоҕоһо бүтэн, хас да сыл турбута. Улуус дьаһалтата, Ил Түмэн дьокутааттара, балыыһа салалтата, улуус дьоно-сэргэтэ туруорсууларын Ил Дархан Айсен Николаев, Саха Өрөспүүбүлүкэтин Бырабыыталыстыбата болҕомтоҕо ыланнар, Бүлүү к. тутуллар Балыыһа комплексын ситэриигэ быйыл инвестиция бүддьүөтүттэн үбүлээһин көрүллүбүтэ.

“Кинг-95” тутар тэрилтэ тутууну салгыы ыытар. Билиҥҥи түһүмэххэ үлэ күүскэ бара турар. Тутааччылар таас дьиэ таһынааҕы бүрүөһүнүн туттара сылдьаллар, түннүктэрин, кондиционердары туруораллар, массыынаҕа аналлаах пандустары оҥорууну бэлэмнииллэр.

Балыыһа комплексыгар хирургия отделениета, диагностика лабораторията, рентген, реанимация, ас астыыр, таҥас сууйар блоктар баар буолуохтара. Эбийиэк 2022 сылга үлэҕэ киириэхтээх, суруйда Николай Куприянов.

Следите за самым важным и интересным в Telegram-канале и WhatsApp-группе ЯСИА