Бүгүҥҥүттэн, муус устар 15 күнүттэн, Саха сирин үрдүнэн оройуоттар икки ардыларыгар дьону тиэйэр-таһар таксилар сырыылара бобуллар. Дьаһал коронавирус инфекциятын тарҕаппат туһугар ылылынна. Ил Дархан ыйаахха бэҕэһээ илии баттаата диэн СИА иһитиннэрэр.
Өрөспүүбүлүкэ баһылыгын ыйааҕар олоҕуран, пассажирдары тиэйэр-таһар таксилар уонна М1 уонна М2 категориялаах оптуобустар федеральнайдааҕы, регионнааҕы уонна ис суолларынан дьону тиэйиилэрэ-таһыылара тохтотулунна.
Айаны бобуу муус устар 30 күнүгэр диэри болдьохтоох.
