Бүгүн, алтынньы 4 күнүгэр, Забайкалье киин куоратыгар Россия боксаҕа чемпионатын 5-с күнэ ыытыллар. Саха сириттэн биэс спортсмен рингаҕа тахсар, СИА-ҕа спортивнай бэлэм кииниттэн иһитиннэрдилэр.
48 кг диэри Саха сириттэн үс уол боксалаһыаҕа. Михаил Прокопьев Краснодар уонна Саха сирин аатарыттан кыттар. Кини Россия чемпионатын призера, Татарстантан Игорь Царегородцевтыын киирсэр.
Рустам Туприн Никифор Стодумовтыын, Санкт-Петербург.
Саха сирин сүүмэрдэммит хамаандатын лидердэриттэн биирдэрэ Валерий-Талбан Егоров Сергей Шитовтыын, Рязанскай уобалас.
60 кг диэри Виталий Стручков Аршак Товмасян (Москва) утары тахсар.
92 кг диэри Уһук Илиҥҥэ чемпионнаабыт Илья Попов уонна Никита Рустенко (Москва) киирсиилэрин көрүөхтэрэ.
