Бүгүн Амма улууһугар бырабыыталыстыба отчуота саҕаланна

Амгинский район. Фото: пресс-служба главы и правительства РС(Я

Бүгүн Аммаҕа өрөспүүбүлүкэ судаарыстыбаннай былааһын 2022 сыллааҕы үлэтин түмүктэрин туһунан отчуота саҕаланна.

Майя Данилова салайааччылаах рабочай бөлөх улуус 14 нэһилиэгэр ыалдьыттыаҕа.

Бүгүн, олунньу 20 күнүгэр бөлөх Эмис, Сатаҕай, Алтан, Өнньүөс, Болугур уонна Покровка нэһилиэктэригэр сылдьыаҕа. Олунньу 21 күнүгэр рабочай бөлөх Сулҕаччы, Сэргэ-Бэс, Мээндиги, Чакыр, Бөтүҥ уонна Чапчылҕан олохтоохторун кытары көрсүөҕэ.

Олунньу 22 күнүгэр Соморсун уонна Абаҕа нэһилиэктэригэр уонна Амма киинигэр түмүктүүр көрсүһүү былааннанна.

Бырабыыталыстыба отчуотун чэрчитинэн, улууска рабочай бөлөх тэрилтэлэргэ сылдьыаҕа, ону сэргэ, дьону кытары тус көрсүһүүлэри ыытыаҕа.

This post was published on 20.02.2023 18:01 18:01