Орто Халыма улууһун олохтоохторо бэҕэһээ «Азия оҕолоро» VIII сайыҥҥы оонньууларын уотун эстафетатын туттулар. Среднеколымскай куорат уулуссаларынан оонньуулар бастыҥ бэлиэлэрин улуус биллэр спортсменнара күөрэччи тутан сүүрдүлэр.
Уот эстафетата Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Анаабыр, Өлөөн, Булуҥ, Эдьигээн, Усуйаана, Аллайыаха, Аллараа Халыма улуустарынан кэрийдэ.
«Азия оҕолоро» VIII оонньууларын уотун уматыы кулун тутар 19 күнүгэр Өлүөнэ очуостарын тэллэҕэр ыытыллыбыта. Россия президиэнэ Владимир Путин эрдэ «Азия оҕолорун» «биир саамай интэриэһинэй уонна ситиһиилээх бырайыак оҕо спордугар, бэйэтин былаһааккаларыгар Россия атын регионнарыттан, атын дойдулартан талааннаах, умсугуйан туран дьарыктанар оҕолору түмэр» диэн эппитэ.
Оонньуулар Дьокуускайга бэс ыйын 25 — от ыйын 7 күннэригэр спорт 24 көрүҥэр ыытыллыахтара. Кыттааччылар 239 мэтээл комплегын ылыахтара.
This post was published on 24.04.2024 12:09 12:09