«Азия оҕолоро» Норуоттар икки ардыларынааҕы VIII спорт оонньууларыгар «Дохсун» спорткомплекска икки рингэнэн боксаҕа финал аҥарыгар от ыйын 2 күнүгэр кииристилэр.
Саха сирин сүүмэрдэммит хамаандатыттан бүгүҥҥү туругунан А рингэҕэ 54 киилэ ыйааһыннаахтарга алта боксертан, Нам 1-кы №-дээх оскуолатын үөрэнээччитэ, «Олимпик» спорт оскуолатын иитиллээччитэ Алина Аммосова, тренерэ Дмитрий Захаров, 3 м. буолары ситистэ. Утарсааччыта Урал федеральнай уокуругуттан, спорт маастарыгар кандидат Алина Капустина салгыы чемпион үрдүк аатын былдьаһыаҕа.
Саха сирин сүүмэрдэммит хамаандатыттан финал аҥарыгар уопсайа 3 кыыс, 3 уол тахсан сытыырхай киирсиигэ күрэхтэһэллэр.
Ааптар: Семен Аргунов
Хаартыска: Айсен Федоров
@gazetaensieli
