26 От ыйа 26.07
  • 20°
  • $ 85,41
  • 93,17

Атырдьах ыйын 26 күнэ. Казахстаан өрөспүүбүлүкэтэ тэриллибит, хомуньуус баартыйата эстибит - Бикипиэдьийэ

09:01, 26 августа 2020
Текст:
Читайте нас на
Яндекс Новости
ЯДВ

1920 сыллаахха ВЦИК уонна РСФСР Совнаркомун дэкириэтинэн Кыргыыс АССР тэриллибит. 1925 сылтан аата уларыйан Казаах АССР буолбута, онтон 1936 сылтан союзнай өрөспүүбүлүкэ статуһун ылбыта. Билигин — Казахстаан Өрөспүүбүлүкэтэ.

1991 сыл бу күн «атырдьах ыйынааҕы путч» кэнниттэн биэс күн ааспытын кэннэ Сэбиэскэй Сойуус Хомуньуус Баартыйатын (КПСС) үлэтэ тохтотуллубут.


Атырдьах ыйын 26 диэн Грегориан халандаарыгар сыл 238-с күнэ (ордук хонуктаах сылга 239-c күнэ). Сыл бүтүө 127 күн баар.

Түбэлтэлэр:

  • 1071 — Манцикерт кыргыһыытыгар Орто Азияттан кэлбит селдьук туроктар Византия аармыйатын кыайбыттар. Инньэ гынан сотору кэминэн кинилэр Анатолия улахан аҥаарын (билиҥҥи Турция сирин үксэ) бас билэллэр.
  • 1382 — Москуба бэринэн Алтан Ордуу (Дьүчи Улууһун) хаана Тохтамышка аанын арыйбыт. Кинээс Дмитрий Донской Костромаҕа күрээбит, Кырыым хаанын Мамаайы 1382 сыллаахха кыайан баран икки сыл төлөөбөккө олорбут түһээнин төлөөбүт, Тохтамыштан көрдөһөн Москубаны уонна кэккэ сирдэри сорохторун дьаһайар дьаралыгын бэйэтигэр хааллаттарбыт. Бу кэнниттэн сотору буолан баран Дмитрий Донской улахан уола Василий Тохтамыштан Москуба кинээһин дьаралыгын көрдөһөн ылбыта.
  • 1728 — Данияттан төрүттээх Арассыыйа байҕалынан устааччыта Витус Беринг Азия уонна Хотугу Америка икки ардыларынааҕы силбэһиини арыйбыт.
  • 1770 — «Труды Вольного экономического общества» сурунаалга Арассыыйаҕа бастакы хортуоппуй туһунан билим ыстатыйата тахсыбыт. «Картофель» диэн тылы нуучча тылыгар маҥнайгынан агроном учуонай Андрей Болотов киллэрбитэ. Кини Арассыыйаҕа бастакынан хортуоппуйу клумбаҕа буолбакка оҕуруокка үүннэрэр буолбут, инньэ гынан «иккис килиэп» тарҕаныытыгар олук охсубута.
  • 1789 — Францияҕа өрөбөлүүссүйэ кэмигэр Киһи уонна гражданин бырааптарын декларацията ылыллыбыт. Декларация төрдүгэр киһи барыта төрүөҕүттэн тэҥ бырааптааҕа уонна көҥүлэ ууруллубут. Киһи уонна гражданин бэйэтэ айылҕатынан бас билэр бырааптарынан киһи тус (личность) көҥүлэ, тыл көҥүлэ, итэҕэл көҥүлэ, баттабылга утарылаһар кыахтааҕа биллэриллибиттэр.
  • 1862 — өр сылларга Дүпсүн улууһугар олорбут Нөмүгүттэн төрүттээх Василий Никифоров бэйэтин дьиэ кэргэнинээн Тэбиик нэһилиэгэр суруйар туһунан көрдөһүү киллэрбит. Ол сыл Дүпсүн улууһун ыстаарыһата буолбут. Бу — саха чулуу киһитин Күлүмнүүр аҕата.
  • 1920 — ВЦИК уонна РСФСР Совнаркомун дэкириэтинэн Кыргыыс АССР тэриллибит. 1925 сылтан аата уларыйан Казаах АССР буолбута, онтон 1936 сылтан союзнай өрөспүүбүлүкэ статуһун ылбыта. Билигин — Казахстаан Өрөспүүбүлүкэтэ.
  • 1923 — Владивостоктан «Ставрополь» борохуотунан кэлбит кыһыл этэрээт Орто Халыманы үрүҥнэртэн босхолообут. Сотору кэминэн үрүҥнэр тобохторо хотугу улуустарга барыларыгар кэйгэллэммиттэрэ.
  • 1991 — Атырдьах ыйынааҕы путч кэнниттэн биэс күн ааспытын кэннэ Сэбиэскэй Сойуус Хомуньуус Баартыйатын (КПСС) үлэтэ тохтотуллубут.

Төрөөбүттэр:

  • 1910 — Ийэ Тереза — дьадаҥы уонна ыарыһах дьоҥҥо көмөлөспүт манаах дьахтар, католик, омугунан албанка. Амарах сүрэх итэҕэл уордьанын олохтообута, 1979 сыллаахха Нобель Эйэ бириэмиэйтин анаммыта.
  • 1922 — Владимир Самсонов (1989 с. өлб.) — Аҕа дойду Улуу сэриитин кыттыылааҕа, физика-математика билимин хандьыдаата, 40-тан тахса дьүкээбил уотун уонна магнитосфераны чинчийэр үлэ ааптара. Сэрии кэнниттэн СГУ физика-математика факультетын бүтэрбитэ.
  • 1946 — Алексей Михайлов — нууччалыы суруйбут саха бэйиэтэ уонна литэрэтиирэ кириитигэ, филология билимин хандьыдаата. «Кыымҥа» эрэдээктэрдии сылдьыбыта. Кэргэнэ эмиэ биллиилээх литэрэтиирэ кириитигэ Марта Михайлова.

Өлбүттэр:

Следите за самым важным и интересным в Telegram-канале и WhatsApp-группе ЯСИА