Саха сиригэр уу уонна мас көтөрүгэр бултааһын сезона атырдьах ыйын 21 күнүгэр саҕаланар. Бу туһунан регион экологияҕа министиэристибэтэ иһитиннэрэр.
От ыйыгар бултааһын маассабай көрүҥнэригэр, ол иһигэр кынаттаах көтөргө бултааһыҥҥа көҥүл биэрии саҕаланна. Көҥүлү икки ньыманан оҥорторуохха сөп:
— Саха сирин судаарыстыбаннай өҥөлөрүн регионнааҕы порталын нөҥүө;
— «Мои документы» офиска эбэтэр экология министиэристибэтин салааларыгар.
Көҥүл ыларга наадалаах докумуоннар:
- булт билиэтэ;
- судаарыстыбаннай пошлина төлөммүтүн туһунан квитанция.
Булт сезонун болдьоҕо:
- бадараан-ходуһа уонна уу көтөрө — атырдьах ыйын 21 күнүттэн сэтинньи 20 күнүгэр диэри;
- истиэп уонна хонуу көтөрө — атырдьах ыйын 21 күнүттэн сэтинньи 20 күнүгэр диэри;
- мас көтөрө — атырдьах ыйын 21 күнүттэн ахсынньы 31 күнүгэр диэри;
- үрүҥ уонна туундара курупааскыта — атырдьах ыйын 21 күнүттэн тохсунньу 31 күнүгэр диэри.
