«Арыйан Тютрины Европа чемпионатыгар боруонса мэтээли ылбыккынан эҕэрдэлиибин. Арыйан киирсиини 4:1 ахсаанынан кыайан, Саха сирин тустууга оскуолата аан дойдуга биир күүстээх буоларын дакаастаата. Бу мэтээл — өр сыллаах үлэ түмүгэ, күүстээх, модун санаа, тренердэр, чугас дьоно уонна бүтүн өрөспүүбүлүкэ өйөбүлэ. Саха сирэ киэн туттар! Инниҥ хоту — саҥа чыпчаалларга!», — регион баһылыга телеграм-ханаалыгар суруйда.
Чемпионат Словакия киин куоратыгар— Братиславаҕа буолар. Үһүс миэстэҕэ Арыйан Тютрин Германияттан Никлас Штехеле кытта кииристэ. Эрдэ саха бөҕөһө Камиль Керимовы Украинаттан (14:2), Томас Эпп Швейцарияттан (10:0) ахсааннарынан кыайбыта.
