Аллараа Халыма улууһун Андрюшкино сэлиэнньэтигэр саҥа ТРЭКОЛ вездеход тиийдэ. «Арктика» айан суолугар трассаны оҥорууга туттуллуоҕа, быйыл тэриллэр прорабскай учаастак састаабыгар киириэҕэ.
Абыйга КамАЗ-ГИРД уонна УАЗ-фермер, өссө биир УАЗ-фермер Муома Хонуутугар ыытылынна.
Эрдэ хас да анал техника кыһыҥҥы суолунан барбыта. Үөһээ Халыма УАЗ-фермер, Муоматааҕы учаастак икки К-702 «Кировец» мааркалаах көлөһөлөөх бульдозердарынан хааччылыннылар.
«Дороги Арктики» тэрилтэ техническай баазата Саха сирин хотугу уонна Арктика эргимтэтин суолларын оҥорууга, тупсарыыга анаммыт бырайыак чэрчитинэн саҥардыллар.
