Кулун тутар 6-15 күннэригэр Италия Милан уонна Кортине-д’Ампеццо куораттарыгар XIV Паралимпийскай кыһыҥҥы оонньуулар ыытыллыахтара. Россия сүүмэрдэммит хамаандата национальнай былаахтаах уонна өрөгөй ырыалаах мэтээл иһин охсуһууну кыттар. Ити 2014 сыллааҕы Сочитааҕы Оонньуулар кэнниттэн аан бастаан буолла.
Арассыыйа Паралимпийскай кэмитиэтигэр иһитиннэрбиттэринэн, РФ дэлэгээссийэтин састаабыгар 23 киһи киирбит, ол иһигэр алта спортсмен уонна биир сүрүннээччи-спортсмен. Бары аккредитация ыллылар, спортивнай сайаапкалары оҥордулар уонна түмүк эрчиллиилэри бараллар.
Россиялар Оонньууларга үс көрүҥҥэ кытталлар: сноубордка (Дмитрий Фадеев уонна Монзер Филипп Шеббо), хайыһарга (Алексей Бугаев уонна Варвара Ворончихина) уонна хайыһар сүүрүүлэригэр (Иван Голубков уонна Анастасия Багиян ыытааччы Сергей Синякины кытта) тахсыахтара.
Паралимпиадаҕа барыта 600-чэкэ спортсмен кыттыаҕа. Кинилэр спорт алта көрүҥэр 79 комплект мэтээл хомууругар оонньууллар: биатлон, хайыһарынан сүүрүү, хайа хайыһарын спорда, сноуборд, хоккей-следж, кэлээскэлэргэ керлинг. Бу 2022 сыллааҕы Пекиҥҥэ ыытыллыбыт Паралимпийскай оонньуулардааҕар биир кэлим мэтээлинэн элбэх.
Санатар буоллахха, аан дойдутааҕы паралимпийскай кэмитиэтэ (IPC) Арассыыйа атлеттарын бырааптарын 2025 сыл балаҕан ыйыгар чөлүгэр түһэрбитэ, урукку хааччахтааһыннары суох оҥорбута.
