Арассыыйаҕа ийэ хапытаалын болдьоҕо суох оҥорорго, иккис оҕоҕо төлөбүр кээмэйин улаатыннарарга, ону тэҥэ үһүс оҕо төрөөһүнүгэр туспа төлөбүр олохтуурга этии киллэрэллэр. Бу сокуон бүгүн Госдума көрүүтүгэр киллэриллиэҕэ, ол туһунан «Известия» иһитиннэрдэ.
Билигин ийэ хапытаалын бырагыраамата 2026 сыл бүтүөр диэри үлэлиир, «Сиэрдээх Россия – кырдьык иһин» фракция депутаттара ону болдьоҕо суох оҥорору туруорсаллар. Ону тэҥэ сокуон барыла иккис оҕоҕо 693- тэн 933 тыһ. солк. диэри төлөбүрү үрдэтии, оттон үһүс оҕоҕо 1,399 мөл. солк. төлүүрү туруорсар.
Фракция баһылыга Сергей Миронов бу дьаһаллар дойдуга демографическай балаһыанньаны уонна төрөөһүнү элбэтиигэ көмөлөһүөхтэрэ диир.
