Арассыыйаҕа алта күннээх үлэ нэдиэлэтэ алтынньы 27 күнүттэн сэтинньи 1 күнүгэр диэри ыытыллыаҕа, оттон субуотаҕа үлэ күнэ — норуот сомоҕолоһуутун күнэ — бырааһынньык иннинээҕи курдук кылгатыллыаҕа.
Биэс күннээх үлэ нэдиэлэтинэн үлэлиир Арассыыйа олохтоохторун алтынньы 27 күнүттэн сэтинньи 1 күнүгэр диэри холбоон, алта күннээх үлэ нэдиэлэтэ күүтэр, ол кэнниттэн үс өрөбүл күн – сэтинньи 2, 3 уонна 4 күннэрэ. Бу РФ бырабыыталыстыбата бигэргэппит сэтинньи 1 күнүнээҕи субуотаттан сэтинньи 3 күнүн бэнидиэнньиккэ көһөрүүнэн сибээстээх.
Өрөбүл күннэри көһөрүү тохтоло суох үлэлиир цикллаах тэрилтэлэргэ, суһал сулууспаларга уонна нэһилиэнньэни күннэтэ хааччыйар тэрилтэлэргэ дьайбат. Маннык тэрилтэлэр үлэһиттэригэр бырааһынньык күннэрэ кыраапык быһыытынан хаалар, хамнастара үрдэтиллибит кээмэйинэн төлөнөр.
