Өстөөх тирэх пуунугар кимэн киирии кэмигэр, бойобуой массыына төһө да дэлби тэптэриигэ түбэспитин үрдүнэн, байыас төһө да контузия, улахан эчэйиини ылбытын үрдүнэн, кэннинэн кэхтибэтэҕэ. Доҕотторун инники сирдээбитэ, тулуурдаах буолуу холобурун көрдөрбүтэ. Кини миинэлээх бааһынанан гранатомет аннынан суол тэлбитэ.
«Кини быһаарыыта уонна толкуйдаах хамаандата байыастар утарылаһааччыны ситиһиилээхтик ыраастыылларыгар уонна суолталаах позицияны туталларыгар туһаайбыта. Хорсун буойун Петр Киприянов суох буолуута — биһиэхэ улахан сүтүк. Саха сирэ уонна бүтүн Россия кини эр хоһуунун уонна хоодуот быһыытын умнуо суоҕа», – диэтэ Ил Дархан Айсен Николаев.
Петр Александрович Киприянов 1985 сыллаахха Покровскайга төрөөбүтэ. Мохсоҕоллоох оскуолатыгар үөрэммитэ, 9 кылаас кэнниттэн колледжка киирбитэ, автомеханик буолбута. Кэргэнинээн Зинаида Михайловналыын биэс оҕону ииппитэ, «РИК Автодор» АУо үлэлээбитэ.
Петр Киприянов анал байыаннай дьайыыга дойду үрдүкү наҕараадатын ылбыт уон биирис Саха сирин киһитэ буолар.
